SNOW DAY
As most of you know, I already gave you an assignment for such a contingency. You are to translate Lesson 27, “Aeneas et Dido”:
Aenēās in Āfrica cum rēgīnā pulchrā mānsit.
Tum Iuppiter Mercurium nūntium ad Aenēam mīsit. “Annum in eō locō ēgistī,” Mercurius dīxit. “Verba deī memoriā nōn tenēs; properā in Ītaliam cum sociīs tuīs, ubi fīlius tuus reget. Ibi ōtium habēbis.”
Aenēās sociōs convocāvit. Sociī frūmentum in nāvēs portāvērunt, Dīdō Aenēam vocāvit:
“Cūr fugis? Dūrus es; iniūriam facis. Magnum est perīculum nostrum. Ā populīs fīnitimīs agrī nostrī occupābuntur, oppidum āmittētur, Praesidium nostrum esse dēbēs. In concordiā perpetuā habitābimus.”
Aenēās respondit: “Deum Mercurium vīdī. Officium meum est ad Ītaliam nāvigāre. Dūrum est, deus imperat.”
Aenēās tardē excessit et ad nāvēs vēnit. Sociī convēnērunt et nāvēs in aquam trāxērunt. Tum nāvēs undīs ventīsque commīsērunt. Dīdō misera nāvēs vīdit et sē interfēcit.
Troiānī ad Ītaliam migrāvērunt et patriam novam invēnērunt. Dīdō vītam āmisit, Aenēās patriam invēnit. Ita in librīs poētārum scrībitur.
Have fun!
